तनहुँकाे शुक्लागण्डकीमा ‘एक वडा एक उत्पादन’ अभियान

तनहुँ/ तनहुँकाे शुक्लागण्डकी नगरपालिकाका १२ वटा वडाले ‘एक वडा एक उत्पादन’ अभियान चलाएका छन् । वडाबासीलाई कृषि तथा पशुपालन क्षेत्रमा सबल बनाउँदै सिङ्गो नगरपालिकालाई नै आत्मनिर्भर बनाउने उद्देश्यले वडैपिच्छे फरक फरक वस्तु उत्पादनमा जोड दिइएको नगरपालिकाले जनाएको छ ।


सोअनुसार वडा नं १ र २ मा मौरीपालन, ३ मा अकबरे खुर्सानी, ४ मा कौसी तरकारी, ५ मा च्याउ, ६ मा स्थानीय जातका कुखुरापालन, नं ७ र ९ मा दूध, ८ मा आलु, १० मा तरकारी, ११ मा सुन्तला र १२ मा बाख्रापालन कार्यक्रम लागु गरिएको नगरपालिका कार्यालयले जनाएको छ ।
कृषि तथा पशु उत्पादन गरी नगरपालिकालाई आत्मनिर्भर बनाउन लागिएको उपप्रमुख सविता रसाइलीले बताइन । उनले भनिन् अभियानअनुरुप काम भए नभएकाबारे समयसमयमा नगरपालिकाले अनुगमन गर्दै आएको छ ।’

तपाईको प्रतिक्रिया

Loading…