भारत बाटै कालेले बनाए कृषि विकास बैंक हृयाकिङकाे योजना

काठमाडौं / हरीको प्रारम्भिक अनुसन्धानबाट कृषि विकास बैंकको लहान शाखाबाट ४ करोड ७३ लाख रुपैयाँ चोरी प्रकरणको योजनाकार काले भनिने पिटर भएको देखाएको छ । उनले नै नेपालका बैंक तथा वित्तीय संस्थामा हृयाक गरेर ५ अर्बभन्दा बढी रकम चोरी गर्ने योजना बनाएको प्रहरीको दाबी रहेकाे छ । उनी भारतमा बस्छन् । हृयाक समूहले कृषि विकास बैंकको लहान शाखाबाट ४ करोड ७३ लाख १६ हजार र पानस रेमिट नयाँ बानेश्वरबाट १२ लाख रुपैयाँ लुटेको पाइएको छ ।

पिटरले नेपाली नागरिकलाई प्रयोग गरेर कृषि विकास, कैलाश विकास र नवील बैंकका साथै पानस रेमिटलगायतका वित्तीय संस्थाको क्रेडिएन्सल हृयाकिङ गरी रकम निकालेको प्रहरीको दाबी छ । बैंक तथा वित्तीय संस्थामा हृयाक गरेकाे आराेमा प्रहरीले १२ जनालाई पक्राउ गरेको छ । लुटेको रकम हुण्डीमार्फत भारत पठाउने गरिएको थियो । हृयाटिङमा प्रयोग हुनेहरुले भने १५ देखि ३५ प्रतिशत कमसिन पाउने गरेको प्रहरीको अनुसन्धानले खुलेको छ ।

तपाईको प्रतिक्रिया

Loading…