कोरोना प्रभावितका लागि १५५ बेड तयारी अवस्थामा, फर्किकालाई १४ दिनसम्म भेटन नपाउने

काठमाडौं । सरकारले कोरोना भाइरस प्रभावितका लागि १५५ वटा बेड तयारी अवस्थामा राखेको छ । स्वास्थ्य मन्त्रालयका अधिकारीले दिएको जानकारी अनुसार टेकु, पाटन र बीर अस्पतालमा ४३ वटा बेड तयारी अवस्थामा छ । त्यस्तै अन्य अस्पतालहरुमा पनि बेड तयारीमा अवस्थामा राखिएको छ ।

तत्काल १५५ वटा बेड तयारी अवस्थामा राखिएको ति अधिकारीको भनाई छ । सरकारले ५० चिकित्सकलाइ विषेश तालिम दिएको ति अधिकारीको भनाइ छ । नेपालमा कोरोना भाइरसको संक्रमण नभएकाले नआत्तिन र हल्लाको पछि नलाग्न स्वास्थ्य तथा जनसंख्यामन्त्री भानुभक्त ढकालले आग्रह गरेका छन् । रुघा खोकी लाग्दा पनि कोरोना नै हो कि भनेर आत्तिने प्रवृत्ति रहेको भन्दै हल्लाको पछि नलाग्न उनले आग्रह गरे ।

दुई महिनाअघि चीनको बुहानवाट सुरु भएको कोरोना भाइरसवाट अहिलेसम्म १ हजार ३०० को मृत्यु भैसकेको छ । अाजकाे राजधानी दैनिकमा खबर रहेकाे छ ।

तपाईको प्रतिक्रिया

Loading…