प्रेसको लागि विश्वकै खतरनाक देश मेक्सिको

मेक्सि / मेक्सिको प्रेसको लागि विश्वमै खतरनाक देशका रुपमा रहेको पाइएको छ । नयाँ बामपन्थी राष्ट्रपति अन्ड्रेस म्यानुएल लोपेज ओब्राडोरका कारण पनि थप नयाँ चुनौतीहरु पत्रकारहरुले भोग्नु परेको बताइएको समाचारमा उल्लेख गरिएको छ । यहाँका लोकप्रिय यी नेताले सेवा प्रवाह र सञ्चार माध्यमसँगको सम्वन्धमा आमुल परिवर्तन गर्ने भन्दै गत डिसेम्बरमा उहाँले कार्यभार सम्हाल्नुभएको थियो ।

उहाँका पूर्वपर्ती इन्रीक पेना निएटोले कहिल्यै पनि पत्रकारहरुको प्रश्नको जवाफ दिनुहुदैनथ्यो । तर ६५ वर्षीय लोपेजले हरेक हप्ताको अन्तिम दिन विहान सात बजे पत्रकार सम्मेलन आयोजना गर्ने गर्नुभएको छ । तर पनि पत्रकार सम्मेलनमा पनि पत्रकारका प्रश्नको जवाफ भने नदिने गर्नुभएको पत्रकारहरको गुनासो छ । यतिमात्र नभएर उहाँले पत्रकारहरुलाई अपमान गर्ने गर्नुभएको गुनासो पनि पत्रकारहरुको छ । उनीहरुका अनुसार देशका राष्ट्रपतिको पत्रकारलाई गर्ने गरिएको यो अपमान पनि प्रेसमाथिको हिंसाका लागि प्रेरक बनेको छ ।

उहाँ पत्रकारहरुप्रति निरंकुश बन्दै जानुभएको र पत्रकारहरुलाई निगरानीमा राख्ने, आलोचना गरेमा त्यस सञ्चारमाध्यमलाई तारो बनाउने जस्ता कामहरु पनि उहाँबाट भएका प्रेस जगतको भनाई छ । यसका साथै उहाँले देशको एक लोकप्रिय पत्रिका “रेफोर्मा” विरुद्ध पनि पटक पटक आक्रमण गर्दै आउनु भएको तथा पत्रकारहरुलाई बरम्बार धम्की दिने गरेको बताइन्छ । मेक्सिको पत्रकारका लागि यसअघि पनि खतरापूर्ण रही आएको छ । सन् २००० देखि आजसम्म यहाँ १०० जनाभन्दा बढी पत्रकारको ज्यान गएको छ ।

PURBELI TV

Loading…

तपाईको प्रतिक्रिया

Loading…

Loading…