दाह्री ग्याङ सुन्दरहरैंचाको सहयोग अनिसा सापकोटालाई

सुन्दरहरैंचा / दाह्री ग्याङ सुन्दरहरैंचाले इटहरीकी अनिशा सापकोटाको उपचारका लागि सहयोग रकम हस्तान्तरण गरेको छ । सामाजिक सञ्जाल फेसबुकमा सकृय दाह्री ग्याङ समूहमा आवद्ध मोरङको सुन्दरहैंचाका युवाहरुले ४ दिनसम्म नगरका विभिन्न स्थानमा संकलन गरेको रकम काठमाडौंको केएमसी हस्पिटलमा लगेर विरामीका बाबुलाई हस्तान्तरण गरैका हुन् । सहयोग अभियानबाट संकलन भएको १ लाख १ हजार १ सय ११ रुपैयाँ रकम बराबरको चेक दाह्री ग्याङका सदस्यहरुले अस्पतालमै पुगेर विरामीका बाबु महेश्वर सापकोटालाई बुझाएका हुन् ।
दाह्री ग्याङ सुन्दरहरैंचाका त्रिवेणी पराजुली, रुपक चौधरी, दिवाकर रेग्मीसहितको टोलीले आफ्नै खर्चमा काठमाडौं पुगेर सहयोग हस्तान्तरण गरेको हो । रकम हस्तान्तरण गर्नुका साथै विरामीको अवस्था समेत बुझ्ने उद्देश्यले आफ्नै खर्चमा काठमाडौं गएर रकम हस्तान्तरण गरिएको दाह्री ग्याङका रुपक चौधरीले बताए । विरामीको अवस्थामा समेत निकै सुधार आइसकेकाले आफुहरुले दिएको सहयोगले विरामीको जीवन बचाउन मद्दत पुग्ने उनको भनाइ छ ।
सहयोग हस्तान्तरणको अवसरमा दाह्री ग्याङ काठमाडौं, भक्तपुर र पोखराका उमेश पराजुली, सुमेश दाहाल, प्रशान्त आचार्य, किरण कार्की, ज्ञानेन्द्र दाहाल, सुशील गौतम र बसन्त पहरको समेत सहभागिता रहेको थियो । विरामीका बाबुले छोरीको स्वास्थ्य अवस्थामा सुधार आउँदै गएको र एक हप्तासम्ममा डिस्चार्ज हुने जानकारी दिएका छन् । अनिशाको उपचारमा ९ लाख रुपयाँ खर्च भइसकेको उनको भनाइ छ । डिस्चार्ज भएपनि हरेक हप्ता फलोअपमा आउने पर्ने भएकालै अझै खर्च लाग्ने उनले बताए ।
 
दाह्री ग्याङ सुन्दरहरैंचाका केशब बास्तोलका अनुसार दाह्री ग्याङले विभिन्न सेवामुलक र समाज सुधारका क्षेत्रमा काम गर्दै अघि बढ्ने क्रममा ४ दिनसम्म अनिशा सापकोटा बचाऊ अभियान सञ्चालन गरि सहयोग संकलन गरेको थियो । अभियान अन्तरगत दाह्री ग्याङका युवाहरुले सुन्दरहरैंचाको तीनपैनी, बाँसबारी, बलिया, गोकर्ण रिसोर्ट, गोकुलम् रिसोर्ट, गछिया बजार र विराचाटचौक बजारमा पुगेर रकम संकलन गरेको बास्तोलाले जानकारी दिए । दाह्री ग्याङको अभियानमा क्विक भोलेन्टियरले समेत सघाएको थियो ।
अभियानमा दाह्री ग्याङ सुन्दरहरैंचाका त्रिवेणी पराजुली, रुपक चौधरी, केशव बास्तोला, रेवती निरौला, सुजन घिमिरे, प्रशान्त अधिकारी, भोजराज रिजाल, साइमन रेग्मी, दाह्री ब्रो, जयप्रकाश रायमाझी, दिवाकर अधिकारी, राजन निरौला र विराटनगरका सविन साइमन घिमिरेको सहभागिता रहेको थियो ।

समसामयिक बिषयमा कलम चलाउनुहुने दाहाल पूर्वेली न्युजका सुन्दरहरैचा सहकर्मी हुनुहुन्छ ।

मणिराम दाहालबाट थप

इटहरीकाे पिसजाेन स्कुलकाे बार्षिकाेत्सव सम्पन्न (तस्विरहरू सहित)

कृषि तथा औद्योगिक विकासका लागि विराट एक्स्पो २०७६

बिराटचाेक घिनाघाट चारलेन सडक अनुगमन

सुन्दरहरैंचाका होटलहरुमा खाद्य प्रविधिकाे अनुगमन : ढाँटी झुक्याई अखाद्य वस्तु विक्रि वितरण नगर्न निर्देशन

सुकुना क्याम्पसमा रक्तदान कार्यक्रम सम्पन्न

सुन्दरहरैंचामा आफ्नो छुट्टै पहिचान बनाउदै बाजेको सेकुवा

यस्ताे रह्याे सुविजीमुर मा.वि.काे सरस्वती पुजा (तस्विरहरू सहित)

इन्द्रपुर जेसीज तथा जुनियर जेसीजकाे पदस्थापन समाराेह सम्पन्न

ट्रमा सेन्टरका लागि बेलबारी नगर प्रमुखले २ विगाह जग्गा दिने घोषणा

बेलबारी प्रहरीकाे तारिफ याेग्य काम : चाेरी भएको माेटरसाईकल बरामद माेवायलहरु जिम्मा

तपाईको प्रतिक्रिया

Loading…