लुक्लामा जहाज दुर्घटनामा : ज्यान गुमाउनेहरुको सनाखत घाइतेहरुको पनि परिचय खुल्यो

सिडिओको आँखै अघि दुर्घटना

सोलुखुम्बु / सोलुखुम्बुको खुम्बुपासाङल्हमू गाउँपालिका २ लुक्ला स्थित तेञ्जिङ हिलारी विमानस्थलमा समिट एयरको जहाज दुर्घटना हुदा को–पाईलट सहित तिन जनाको ज्यान गएको छ । आईतबार विहान करिब ९ बजेर २० मिनेटमा रामेछापको मन्थलीका लागि उड्दै गरेको समिट एयरको जहाज धावनमार्गबाट अनियन्त्रित भएपछि दुर्घटना भएको हो । दुर्घटनाबाट समिट एयरका को–पाईलट सुजित ढुंगाना सहित दुई प्रहरीको ज्यान गएको छ ।

समिट एयरको कलसाईन नाईन एन– एएमएच जहाज मनाङ्ग एयरको हेलिकप्टर नाईन एन–एएलसँग ठोक्किएर दुर्घटना हुदा विमानस्थल सुरक्षाको लागि खटिएका दोलखा घर भएका पर्यटन प्रहरी (असई) रामबहादुर खड्का, काठमाडौं महानगरपालिका ७ चाबहिलका समिट एयरका सुजित ढुंगाना र विमानस्थलमा कार्यरत प्रहरी सहायक निरीक्षक रुद्रबहादुर श्रेष्ठको ज्यान गएको हो । को–पाईलट ढुंगाना र पर्यटन प्रहरी खड्काको घटनास्थलमै ज्यान गएको हो भने घाईते श्रेष्ठको काठमाण्डौ स्थित वि एण्ड बि हस्पिटलमा उपचारको क्रममा ज्यान गएको जिल्ला प्रहरी कार्यालय सोलुखुम्बुका प्रहरी नायब उपरिक्षक सालिग्राम शर्माले बताउनुभयो ।

दुर्घटनामा चार जना घाईते भएका छन् । समिट एयरका पाईलट रविनाथ रोकाय, मनाङ एयरका पाईलट चेत बहादुर गुरुङ, मनाङ एयरका लुक्ला ईन्चार्ज लाक्पाछिरी शेर्पा र कामदार स्याङबुचे कार्की घाईते भएका हुन् । काठमाण्डौ कालिमाटीका पाईलट रोकाय उपचारपछि डिस्चार्ज भईसकेका छन् भने ललितपुर उपमहानगरपालिका बस्ने मनाङ एयरका पाईट गुरुङको ग्राण्डी अस्पतालमा उपचार भईरहेको प्रमुख जिल्ला अधिकारी नरेन्द्र रानाले जानकारी दिए । ढाडमा गहिरो चोट लागेको उनी खतरामुक्त रहेको बताईएको छ । मनाङ एयरका लुक्ला ईन्चार्ज लाक्पाछिरी शेर्पा र कामदार स्याङबुचे कार्कीको काठमाण्डौमा उपचार भईरहेको छ । समिट एयरका एयर होस्टेज रमिता ढुंगाना भने सकुशल रहेको प्रहरीे जनाएको छ ।

रामेछापको लागि उड्न लागेको विमान धावनमार्गबाट अनियन्त्रित भई उड्ने तयारीमा रहेको मनाङ एयरको हेलिकोप्टरमा ठोक्किदा दुर्घटना भएको हो । मन्थली विमानस्थलबाट पर्यटक बोकेर याण्ड भएको जहाज रित्तै अर्को उडानका लागि मन्थली जान गुडेको नागरिक उड्ययन प्राधिकरण लुक्लाका प्रमुख इमनाथ अधिकारीले बताए । उनले भने, ‘दुर्घटनामा परेका जहाजले ५ फ्याईट गर्ने तालिका थियो । तेस्रो फ्याईट सफल भएपछि चौथो फ्याईटका लागि उड्नेक्रममा दुर्घटना भयो ।’ दुर्घटनाको कारणबारे यसै भन्न नसकिने उने बताए । धावनमार्ग चिप्लो पनि नभएको अधिकारीले दाबी गरे । दुर्घटनापछि विमानस्थल बन्द रहेको छ ।

सिडिओको आँखै अघि दुर्घटना

प्रमुख जिल्ला अधिकारी नरेन्द्र राना र प्रहरी नायव उपरिक्षक शालिग्राम शर्मा पौडेल विहान ९ बज्दानबज्दै तेन्जिङ हिलारी विमानस्थलमा ओर्लेका थिए । उनीहरु खुम्बु क्षेत्रको अनुगमन र लुक्लामा आयोजित एक सामाजिक कार्यक्रममा सहभागी हुन फाप्लु विमानस्थलबाट लुक्ला ओर्लिएका थिए । ‘विमानस्थलको चाप अवलोकन गर्दैगर्दा करिब ९ बजेर १० मिनेट जाँदा पर्यटक ओरालेर रामेछापको मन्थली तर्फ उड्नलाई उडेको समिट एयरको जहाज एक्कासी विमानस्थलको दाँया तर्फको पार्किङमा रहेको हेलिमाथी बजारियो ।’ प्रजिअ रानाले भने, ‘अकल्पनीय दुघर्टना हेर्दाहेर्दै भयो । तत्काल उद्धारमा परिचालित भयौ ।’

दुर्घटनास्थलमा उद्धारमा खटिएका लुक्लाका तोया श्रेष्ठले रनवेमा सिधा गुडेर उड्नुपर्ने जहाज उड्नकै लागि तयारीमा रहेको मनाङ एयरको हेलिमाथी बजारिएको बताए । श्रेष्ठले भने, ‘ड्याङ….. ठूलो आवाज आयो । हतारहतार घरबाट विमानस्थल पुग्दा धुवाँको मुस्लो आईरहेको थियो । त्यसपछि म पनि उद्धारमा खटे । मृतक प्रहरी जवानको टाउको फुटेको र समिट एयरका को–पाईलट सुजित ढुंगानाको देब्रे हात शरिरसंग छुटिट्एको थियो ।’ उद्धार गर्नासाथ हेलिमार्फत उपचारका लागि काठमाण्डौ पठाएको श्रेष्ठले बताए ।

प्रारम्भिक प्रतिवेदनको टोलीद्धारा अनुगमन

जहाज दुर्घटनामा परि तिन जनाको ज्यान गएपछि फ्याईट सेफ्टी स्टाण्डर डिपाटमेन्टका क्याप्टेन दिपक लामा र ईन्जिनियर प्रभाकर मल्लिकको टोलीले घटनास्थलको अनुगमन गरेका छन् । दुर्घटनाको प्रारम्भिक प्रातिवेदन तयार पार्नका लागि आईतबार दिउँसो अनुगमन गरि फर्किएको नागरिक उड्ययन प्राधिकरण लुक्लाका प्रमुख ईमनाथ अधिकारीले बताए ।

विश्वकै जोखिम विमानस्थल

तेन्जिङ–हिलारी विमानस्थल विश्वकै उच्च जोखिमयुक्त विमानस्थल भित्र पर्दछ । विमानस्थलको रनवे मात्र ४६० मिटरको रहेको छ । साना हेलिकोप्टरहरु ल्याण्ड गर्न सकिने यो विमानस्थलको दक्षिणमा ६ सय मिटर गहिरो भीर रहेको छ । विभिन्न प्रतिवेदनहरुले सोलुखुम्बुको लुक्लास्थित विमानस्थललाई विश्वकै खतरनाक विमानस्थलको सूचीमा राखेका छन् । विमानस्थलको छोटो रनवे, अवतरण गर्ने बेलाको भौगोलिक विकटता, केही समयमै परिवर्तन हुने मौसम आदिलाई उल्लेख गर्दै प्रतिवेदनहरुमा यो विमानस्थललाई खतरनाक विमानस्थलको सूचीमा राखिएको हो ।

Subscribe Purbeli TV

सामाजिक बिकृती, बिसङ्गती र अनियमितता बिरुद्ध कलम चलाउनुहुने नेपाली पूर्बेली न्युज सोलुखुम्बु सहकर्मी हुनुहुन्छ ।

राकेश नेपालीबाट थप

हाईड्रोपावरको डोजरमा आगजनी, नजिकै शंकास्पद वस्तु भेटियो

नौ वर्षदेखि नदीको पानी पिउन बाध्य ढेबुवाघाटका बासिन्दा

प्रहरी चौकी कब्जा गर्ने विप्लब माओबादीको प्रयास असफल

सवा ४ करोडको लागतमा नाम्चेमा पानीबाट घुम्ने माने, पर्यटकको ध्यान तान्ने आशा

दर्ता विना संचालनमा सल्लेरीका मासु पसल

गोक्यो तालमा ९ महिनाअघि डुबेका विद्यार्थी खोज्न टोली खटियो

सगरमाथा आरोहणका लागि सामाग्री ओसार्दै आरोही

खोटाङमा सत्र हजारले गरे स्वास्थ्य बिमा

छ जिल्लाका सांसदले बुझाए, साझा सरोकारका योजना

सोलुमा ‘डिस्टिलरी’ प्रयोगविहिन

तपाईको प्रतिक्रिया

Loading…