पुर्बी पहाडमा हिमपात जनजीवन कष्टकर (१० तस्विरहरू सहित)

तेह्रथुम / पुर्बी पहाडको लेकाली क्षेत्रमा बाक्लो हिमपात भए सँगै जनजीवन कष्टकर बनेको छ । बर्षा सँगै हिमपात भएपछी लेकाली क्षेत्रको जनजीवन कष्टकर बनेको हो । छिपिन्दो जाडो सँगै शनिबार दिउँसो परेको हिमपातले जनजीवन कष्टकर बनेको चैनपुर नगरपालिका नुनढाकी गुफा बजारका सन्तोष लिम्बुले बताए । करिब १ फुट बाक्लो परेको हिउँका कारण यहाँका स्थानीयहरुलाई दैनिक काम गर्न समेत समस्या बनेको छ ।

तेह्रथुम, संखुवासभा, धनकुटा र ताप्लेजुङ जिल्लाको लेकाली क्षेत्रमा हिउँ पर्दा नागरिकहरुको जनजीवन कष्टकर बनेको छ । हिउँका कारण यहाँका स्थानीयहरुलाई घाँस दाउरा मेलापर्म तथा घरयासी काम गर्न समेत जाडोले समस्या बनेको छ । पशुचौपयाहरु चरनमा लैजान ल्याउन समेत समस्या बनेको छ । यस बर्ष पानी हिउँ परेको कारण यहाँका स्थानीय तथा बाह्रीय नागरिक हिउँ सँगै खेल्न हौसिएका छन । हिउँ पर्ने स्थानको रुपमा परिचित बन्दै आएको पुर्बी पहाडी जिल्लाको टिएमजे एक सफल पर्यटकीय गन्तब्य हो । जलबायु परिवर्तका कारण हिउँ पर्ने सिजनमा केहीबर्ष देखी तुसारो मात्रै पर्दै आएको बसन्तपुर बजारका रवीकिरण मादेनले बताए ।

पूर्बी तराईबाट हिउँ खेल्न बर्षेनी यस क्षेत्रका पर्यटकहरु भित्रीए पनी तुसारो हेरेरै फन्किदै आएका थिए । पुर्बी पहाडको पर्यटकीय गन्तब्य तिनजुरे,मिल्के र जलजले क्षेत्रका साथै लेकाली क्षेत्रमा हिमपात भएकाले जनजीवन प्रभावित बने पनी यहाँका आन्तरिक पर्यटकहरु हिउँ खेल्न हौसिएका छन । हिउँ सँगै हल्का परेको पानीका कारण किसानहरुले लगाएको तरकारीबालीमा राहात मिलेको छ । किसानहरुले लगाएको तरकारीबाली सिचाँई अभाबका कारण खडेरीले सुख्खा भएको भेगमा समेत राहात बनेको किसानहरुले बताएका छन । चित्रेडाँडा,तिनजुरे,मेन्छ्यायेम डाडा, गुफा बजार,मिल्के,जलजले लगायतको क्षेत्रका हिउँले डाकेर सेताम्मै बनेको छ ।

Purbeli TV

तपाईको प्रतिक्रिया

Loading…