बाँसमै हेलेर कमाउँछ गाँस

उदयपुर / सप्तकोसी नदी किनारामा बसोबास गर्ने सर्बसाधारणको प्रमुख पेसा नै बाँसको व्यापार बनेको छ । घरको कमजोर आर्थिक अवस्था र परम्परागत कृषी पेसाबाट हुने सानु आम्दानीले परिवारको खर्च धान्न नसकेपछि उनीहरुले ज्यान जोखिममा राखेर सप्तकोसीको बाटोबाट बाँसको ब्यापार गर्दै आएका हुन् ।

उनीहरु उदयपुर, खोटाङ्ग, भोजपुर र सुनसरी जिल्लाको सिमा क्षेत्र भएर बग्ने सप्तकोसी नदीमा पाहाडि क्षेत्रबाट बाँस बगाएर सुनसरीको चताराघाटसम्म बिक्रीका लागि ल्याउने गर्छन् । “कहिलेकाही त कोसीको भेलमा डुबिन्छ जस्तो लाग्छ” उदयपुरको बेलका नगरपालिका ६ कटुन्जेबबलाका रत्नसेर राई भन्छन्,“ तर आप्mनु र बालबच्चाको बिहान बेलुकीको भोक टार्ने समस्याले गर्दा ज्यान जोखिममा राखेर यो काम गरेको छु ।”

कमजोर आर्थिक अबस्थाकै कारण बिगत ५ बर्ष अघिदेखि बाँसको ब्यापार गर्दै आएका खोटाङ्गको फाक्टाङ्गका पूर्णबहादुर खत्री भन्छन्, “ पाहाडि क्षेत्रका गाउँबस्तीबाट सस्तो मूल्यमा बाँस किनेर कोसीको बाटो ल्याई बिक्री गर्ने गरेको छु ।” आफैंले ढुवानी गरी चताराघाटसम्म ल्याएर बिक्री गर्दा नाफा राम्रो भएपनि बाँस बगाउदा आप्mनो ज्यान भने सधंै जोखिममा पर्ने उनको भनाई छ ।

रत्नसेर र पूर्णबहादुर मात्र होइन, घरको कमजोर आर्थिक अबस्था, स्थानीय रोजगारीको समस्या र परम्परागत खेती पेसाप्रतिको बिकर्षणका कारण कोसीमा बाँस बगाएर रोजगारी गर्नेहरुको सङ्ख्या हिँजो आज दैनिक रुपमा बढिरहेको छ । कमाई राम्रो भएपनि ज्यान खतराको समस्या भने सबैको छ ।

“जोखिमपूर्ण रुपले बाँसको ब्यापार गर्नु रहर होइन, बाध्यता हो” बेलका नगरपालिका ७ मैनामैनीका हर्कबहादुर राई भन्छन्, “ एकातिर घरको आर्थिक अबस्था कमजोर छ भने अर्कातिर बेरोजगारी समस्या अनि के गर्ने ?” घरमा त्यत्तिकै बस्नु भन्दा कमाउनलाई केही गरौं भन्दै बाध्यताबस् बाँसको व्यापारमा लागेको उनको भनाई छ ।

उनीहरुले पाहाडि गाउँ बस्तिबाट प्रति घना ५० रुपैयाँमा किनेर करिब सय घनासम्म बाँसलाई एउटै चाङ्गमा बाधेर कोसीमा बगाउदै चताराघाटसम्म ल्याउने गर्छन् । चतराघाटमा ल्याएपछि बाँस प्रति घना २ सय ५० रुपैयाँसम्ममा बिक्री हुन्छ । यसरी तीनचार जनासम्म मिलेर ल्याउँदा एकसातामा १२ हजार रुपैयाँसम्म कमाउन सक्ने सिद्धिपुर ४ का गणेश केसीले बताए ।

गाउँघरका किसानले आप्mनो नम्बरी जग्गामा लगाएको बाँस सङ्कलन गर्न पाँचदिन लाग्ने संलग्न व्यावसायीको भनाई छ । कोसीमा बगाएर चतराघाट ल्याई बिक्री गर्न दुई दिन लाग्ने भएकाले एक पटक बाँस बिक्री गर्न एकहप्ता लाग्ने गर्छ । पहाडको बाँस तराइमा ल्याउँदा बिक्रीको कुनै समस्या नहुने भएकोले गाउँका बेरोजगारहरुको यो मूख्य पेसा नै बनेको छ ।

Purbeli TV

समसामयिक बिषयमा कलम चलाउनुहुने चौधरी पूर्वेली न्युजका उदयपुर सहकर्मी हुनुहुन्छ ।

सुखिलाल चौधरीबाट थप

सुनकोशीमा डुवेर दुई विद्यार्थी वेपत्ता

उदयपुर ट्राफिक कार्यालयद्वारा ७७ लाख ३४ हजार राजस्व संकलन

उदयपुरको बजेट २ अर्ब ६९ करोड ७७ लाख, सवै भन्दा बढी त्रियुगा नगरपालिकामा

उदयपुरमा तीन तल्लाबाट लडेर एक महिलाको मृत्यु

उदयपुरमा टिप्पर १ किलो मिटर तल खस्यो, सहचालक सहित दुईको घटना स्थलमै मृत्यु

उदयपुरमा मिडिया काउन्सिल विद्येयक संशोधनको माग गर्दै पत्रकारद्वारा जिल्ला प्रशासन कार्यालय घेराउ

गर्भवतीको पेटमा बच्चा चल्न छोडेपछि अप्रेशन गरेर निकाल्न सफल

उदयपुरमा पिकअप भ्यान दुर्घटना : एकको मृत्यु, दुईको अवस्था गम्भिर

बोलेरो दुर्घटना अपडेट : गम्भिर घाइतेलाई काठमाडौं रेफर

उदयपुरमा बाँदर आतंक : बाँदर नियन्त्रण गर्न प्रशासनलाई ध्यानाकर्षण पत्र

तपाईको प्रतिक्रिया

Loading…