शेयर बजार आठ अङ्कले घट्यो

काठमाडौँ / साताको पहिलो दिनमै धितोपत्र बजारमा आज शेयरको मूल्य घटेको छ । नेपाल स्टक एक्सचेञ्जका अनुसार कारोवार मापक नेप्से परिसूचक ८.५७ विन्दुले घटेर एक हजार १५३.०६ विन्दुमा झरेको छ ।

यस्तै ठूला कम्पनीको कारोवार मापन गर्ने सेन्सेटिभ परिसूचक १.७२ विन्दुले घटेर २४५.०८ विन्दुमा झरेको छ । कारोवार रकममा भने केही वृद्धि भएको छ । आज कूल १६९ कम्पनीको १५ लाख २७ हजार ७०६ कित्ता शेयर रु ४१ करोड ५७ लाख ७३ हजार ६०३ मूल्यमा खरीद बिक्री भएका छन् ।

कारोवार भएका ११ उपसमूहमध्ये व्यापार उपसमूहबाहेक दश उपसमूहको शेयर कारोवार घटेको छ । व्यापार २.८७ विन्दुले बढेको छ । यस्तै बैंकिङ ५.६४, होटल १७.२५, विकास बैंक ८.७१, जलविद्युत् १८, वित्त १.०२, निर्जीवन बीमा ३६.३१, उत्पादन १८.५३, अन्य १२.३८, लघुवित्त २.८ र जीवन बीमा ३७.५३ विन्दुले घटेको छ । नेपाल धितोपत्र बोर्डले शेयर प्रमाणपत्र धितो राखेर ऋण दिने व्यवस्था गरेको सन्दर्भमा आज बजारमा सुधार आउने अपेक्षा गरिएको थियो ।

घटेको बजारमा विजय लघुवित्त वित्तीय संस्थाका शेयरधनीले करीब चार प्रतिशतले कमाउँदा जनउत्थान सामुदायिक लघुवित्त विकास बैंकका शेयरधनीले दुई प्रतिशतले कमाएका छन् । यस्तै सूर्योदय लघुवित्त वित्तीय संस्थाले १.९८, कालिका लघुवित्त वित्तीय संस्थाले १.९७, एभरेष्ट इन्सुरेन्स कम्पनी १.९७, विशाल बजार कम्पनीका शेयरधनीले १.९५ प्रतिशतले कमाएका छन् ।

त्यस्तै सानिमा इक्विटी फण्ड ३.७, आरम्भ माइक्रोफाइनान्स वित्तीय संस्था ३.०६, अरुण भ्याली हाइड्रो पावर डेभलपमेन्ट कम्पनी २.८४, महालक्ष्मी विकास बेंक २.८७, अरुण काबेली पावर २.६७, हिमालयन पावर पार्टनर २.६७ र स्वदेशी लघुवित्त वित्तीय संस्थाका शेयरधनीले २.६८ गुमाएका छन् ।
रासस

तपाईको प्रतिक्रिया

Loading…