तेह्रथुमको म्याङलुङमा ‘श्रीजंगा लिपी’को सिकाई हुदै

तेह्रथुम / आजको आवश्यकता भनेको नै मातृभाषालाई प्राथमिकता रहेको तेह्रथुमको म्याङलुङमा आयोजित एक कार्यक्रमका सहभागीहरुले जोड दिएका छन् । किरात याक्थुङ चुम्लुङ म्याङलुङ नगर शाखा द्धारा मंगलबार आयोजित श्रीजंगा लिपी संरक्षण कार्यक्रमका सहभागीले घरमा बोलिने भाषा , पहिलो भाषा भएको भन्दै यसलाई पहिलो प्राथमिकतामा राख्नुपर्ने आजको आवश्यकता रहेको बताएका छन् ।

कार्यक्रमका प्रमुख अथिती म्याङलुङ १ का वडाध्यक्ष ईन्द्र तुम्बाहाङफेले आफ्नो भनाई राख्दै आफ्नो अश्तित्व संग जोडिएको श्रीजंगा लिपी सम्बन्धी पुृर्ण रुपमा ज्ञान लिनुपर्ने सुझाव राख्नुभयो । स्थानिय सरकार भनेको जनताको सरकार भएकाले बिभिन्न जातजातीको भाषा ,लिपी र सस्कार सस्कृती बचाउनु उस्को कर्तव्य रहेको अध्यक्ष तुम्बाहाङफेले स्प्रस्ट पार्नुभयो । त्यस्का लागी सबैै स्थानिय तहले उत्तिकै भुमिका निर्वाह गर्न आवश्यक रहेको उहाको तर्क थियो । म्याङलुङ नगरपालिका एक नम्बर वडाबासी ५० जना सहभागी कार्यक्रममा श्रीजंगा लिपीका श्रोतव्यक्ति दिलकुमारी आङबुङ र राजकुमार तेयुङ तरेबाले सहजिकरण गरिरहनुभएको छ ।

दुईदिन सम्म सञ्चालन हुने कार्यक्रममा किरात श्रीजंगा लिपीको स्वर वर्ण , व्यञ्जन वर्ण , ब्याकरण , शब्दार्थ , गणितिय संख्या लगायतका बिषयवस्तुमा प्रशिक्षण भईहेको किरात याक्थुङ चुम्लुङ म्याङलुङ नगर शाखाका अध्यक्ष टीआर सेनेहाङले जानकारी दिनुभयो । म्याङलुङ नगरपालिका वडा नं. १ को कार्यलयको सहयोगमा आयोजित कार्यक्रमको खुल्लासत्र किरात याक्थुङ चुम्लुङका केन्द्रिय पार्षद सदस्य कृष्णमान तुम्बाहाङफेको अध्यक्षतामा सम्पन्न भएको हो ।

Purbeli TV

तपाईको प्रतिक्रिया

Loading…