प्रदेश १ को सरकार ल्याङग्रे भयो : राजीव कोइराला (भिडियो कुराकानी )

सुनसरी । प्रदेश १ को सरकार ल्याङग्रे र सुस्त भएको प्रदेश १ का सांसद तथा प्रमुख प्रतिपक्षी दल नेपाली काँग्रेसका नेता राजीव कोइरालाले आरोप लगाएका छन । सुनसरी सदरमुकाम इनरुवामा पत्रकार सँग कुराकानी गर्दै उनले प्रदेश सरकार सुस्त भएको, कुनै पनि काममा तदारुकता नदेखाएको र सभा अस्तब्यस्त रहेको उनले आरोप लगाए । प्रदेशसभामा सहभागी दलहरुको छुट्टै कोठा समेत नभएको र सांसदहरु आफनो दुनो सोझयाउने काममा मात्र लागेको उनको भनाई छ ।

प्रदेशको स्थायी राजधानी र नामांकनको बिषयमा काँग्रेस पर्ख र हेर को अबस्थामा रहेको उनले खुलाए । बहुमत प्राप्त पार्टीले ल्याएको नाममा चित्त बुझे स्वीकार गर्न सकिने र नबुझे छलफल गर्ने तयारी भएपनि ९ महिना बित्दा समेत यो बिषयमा छलफल नहुनु र टुंगोमा नपुग्नु दुःखद भएको उनले बताए ।
प्रदेशमा प्रतिपक्षीको भुमिका कमजोर भयो की ? भन्ने प्रश्नमा केही हदसम्म आरोप सहि भएपनि चुप लागेर नबसेको तर मिडियामा आफुहरु बोलेको कुरा चाँहि सार्बजनिक नभएको उनले गुनासो गरे । प्रदेशको राजधानी र नामका बिषयमा सांसदहरु बिभाजित भएको र काँग्रेस यो बिषयमा छलफल नगरी नबोल्ने समेत उनले बताए ।

नेपाली काँग्रेसका सुनसरी जिल्ला सभापति समेत रहेका कोइरालाले बहुमत सांसद बिराटनगर राजधानी बनाउनुपर्ने पक्षमा रहेका कारण बिराटनगर राजधानी हुने संकेत गरेपनि उनले सो बिषयमा खुलेर भन्न नमिल्ने बताए । सरकार जुन गतिमा अगाडी बढनुपर्ने थियो,त्यो हुन नसकेको भन्दै उनले सरकार सुस्त भएका कारण जनतामा निराशा छाएको समेत बताए ।

तपाईको प्रतिक्रिया